கீழடி திராவிடத்தின் தாய்மடி!

ஜாகோர் என்ற ஜெர்மானிய பழைய பொருட்கள் சேகரிப்பாளர் உலகம் முழுவதும்  சென்று பண்டைய நாகரீகத்திற்கான பொருட் களை சேகரித்துக்கொண்டு இருந்த போது நெல்லை மாவட்டத்தின் வடக்கில் உள்ள வீர பாண்டியபுரம் என்ற ஊரில் நூற்றாண்டு பழைமை யான வரலாற்று அடையாளங்கள் உள்ளதாக கேள்விப்பட்டு 1876-ஆம் ஆண்டு அச்சிறு கிராமத்திற்கு சென்றார்.   அங்கு கிடைத்த சில பழைய மண்பாண்டங்கள் ஆதிச்ச நல்லூரிலி ருந்து கொண்டுவரப்பட்டது என்பதை தெரிந்து கொண்டு தாமிரபரணி ஆற்றங்கரையில் உள்ள ஆதிச்சநல்லூருக்கு சென்றார்.

புற்காடுகளுக்கு இடையில் அங்கு உள்ள ஆடு மேய்ப்பவர்கள் அழைத்து சென்று காட்டிய இடமெல்லாம், அங்கு ஒரு மனித நாகரிகம் வாழ்ந்ததற்கான அடையாளங்கள் இருப்பதைக் கண்டு இங்கிலாந்தின் அகழ்வாராய்ச்சி ஆய்வா ளர்களிடம் இது குறித்து எடுத்துக்கூறிவிட்டு தனது கையில் கிடைத்த சில பொருட்களை எடுத்துக்கொண்டு ஜெர்மனுக்கு சென்றுவிட்டார்.

தற்போது அவர் எடுத்துச் சென்ற ஆதிச்ச நல்லூர் அகழ்வாராய்ச்சியில் கிடைத்த பொருட் கள் ஜெர்மன் தொல்பொருள் மியூசியத்தில் பாதுக் காக்கப்பட்டு வருகிறது,

அதன் பிறகு கிழக்கிந்திய கம்பெனியிட மிருந்து பிரிட்டிஷ் அரசரின் ஆளுமைக்குக் கீழ் இந்தியா வந்தது, அதன் பிறகு ஆதிச்ச நல்லூர் அகழாய்வு வேகம் பிடித்தது, 1904ஆம் ஆண்டு அலக்சாண்டர் ரியா என்ற அகழ்வாராய்ச்சி நிபுணர் இந்தியாவில் கண்டுபிடிக்கப்பட்டவற்றுள் மிகவும் பழைமையான தொல்லியல் களம் என்று ஆதிச்சநல்லூரைக் குறிப்பிட்டார்.

தாமிரபரணி நதிக்கரையில் அமைந்துள்ள ஆதிச்சநல்லூரில் பழைமை நாகரீகம் புதைந்துள் ளது என்றும், அதை அகழாய்வு செய்யுங்கள் என்றும் உலகம் முழுவதிலுமுள்ள தமிழர்கள் ஒருமித்த குரலாக கோரிக்கை விடுத்துக்கொண்டு இருக்கும் போது  வைகை நதிக்கரையில் 2013-ஆம் ஆண்டு புதிய அகழாய்வு  அடையாளங்கள் கண்டறியப்பட்டது, வைகையாறு தோன்றும் தேனி மாவட்டம் தொடங்கி கடலில் கலக்கும் இராமநாதபுரம் மாவட்டம் வரை வைகை ஆற்றங்கரையின் அருகமை பகுதிகளில் 2013-14இல் நடத்தப்பட்ட தொல்லியல் ஆய்வுகளின் போது தொல்லியல் எச்சங்கள் உள்ள 293 பகுதிகள் கண்டறியப்பட்டன.

அதில் கீழடியை 4 கட்டங்களாக மத்திய அரசு ஆய்வு நடத்தி முடித்தது, ஆனால் அதுகுறித்த இறுதி அறிக்கையை இன்றுவரை வெளியிட வில்லை. அகழாய்வை தலைமையேற்று நடத் திய அமர்நாத்தை விதிமுறைகளுக்கு முரணாக அசாம் மாநிலத்திற்கு இடமாற்றம் செய்தது, இந்த நிலையில் தமிழார்வலர்கள் பலர் நீதிமன்றத்தில் கீழடிஅகழாய்வு குறித்து வழக்கு தொடர்ந்தனர். இதனை அடுத்து தமிழக அரசின் அகழாய்வுத் துறை கீழடி ஆய்வை கையிலெடுத்தது,

கீழடி அகழாய்வின் அய்ந்தாம் கட்ட ஆய் வுகள் துவங்குவதற்கு முன்பு தமிழகத்தில் பெருத்த மாற்றம் ஏற்பட்டது, மே மாதம் நடந்த நாடாளுமன்ற தேர்தலில் திமுக தலைமையிலான கூட்டணி தமிழகத்தில் அபாரவெற்றி பெற்றது, மதுரையில் எழுத்தாளரும் கீழடிகுறித்தும் வைகை நதிக்கரை நாகரீகம் குறித்தும் அதிகம் எழுதியவருமான கம்யூனிஸ்ட் கட்சியைச் சேர்ந்த சு.வெங்கடேசன் நாடாளுமன்ற உறுப் பினராக பதவியேற்றார். அதன் பிறகு ஜூன் மாதம் மீண்டும் கீழடியில் அகழாய்வுப் பணிகள் துவங்கியது. இம்முறை தமிழக அரசின் கீழ் அப்பகுதிகுறித்து நன்கு அறிந்த நாடாளுமன்ற உறுப்பினரின் ஆர்வம் மற்றும் ஒட்டுமொத்த தமிழர்களின் கோரிக்கையாக கீழடி அகழாய்வுப் பணிகள் வேகமாக நடைபெற்றன,

இந்த நிலையில் செப்டம்பர் மாதம் முதல் வாரம் கீழடி குறித்த ஆய்வு முடிவுகளை தமிழக அரசு வெளியிட்டது,

அந்த ஆய்வு முடிவுகளின் படி உலக நதிக்கரை நாகரிகம் குறித்த வரலாற்றை திருப்பிப் போடும் வகையில் அங்கு கிடைத்த பொருட்கள் அமைந்திருந்தது, அதாவது சிந்து வெளி நாகரி கத்திற்கு முன்பான ஒரு நாகரிகம் என்று உறுதி யிட்டுக் கூறப்படும் வகையில் ஆய்வு முடிவுகள் அமைந்திருந்தது.

ஒரு ஏக்கர் நிலத்தில் தந்தத்திலான 89 தாயக்கட்டைகள் கிடைத்துள்ளன. பண்பாட்டு, தொழில் , நாகரிக அடையாளங்களை உணர்த்தும் வகையில் இந்த முடிவுகள் அமைகின்றன. கி.மு 600-களிலேயே பேச்சும் எழுத்தும் இருந்தி ருப்பது, இந்திய மொழிகளிலேயே அதிக அக வையுடைய மொழி, தமிழ்தான் என்பதை உறுதி செய்கிறது.

கீழடி ஆய்வில் 1,001 குறியீடுகள் கிடைத் திருப்பது, சாதாரண செய்தியல்ல. சிந்துவெளி ஆய்விலும் கீழடி ஆய்விலும் நிறைய ஒற்றுமை கள் தெரிய வருகின்றன. விரைவில் சிந்து வெளி நாகரிகம் தமிழர் நாகரிகம் என்பது சான்றுகளோடு நிறுவப் படும்; ஆம்! இந்தியாவின் தொல் குடிகள் தமிழர் என்பது சான்றுகளோடே நிறுவப் படும்.

சங்ககாலத் தமிழ்ச் சமூகம் எழுத்தறிவு பெற்ற சமூகம் என்பதற்குச் சான்றாகப் பெயர்கள் பொறிக்கப்பட்ட பானைகள். இருவேறு நிறங் களில் பானைகள், நூல் நூற்கும் தக்கழிகள், கூர்முனை கொண்ட எலும்பால் செய்யப்பட்ட கருவிகள், தங்க அணிகலன்கள், மணிகள், தந்தத் தில் செய்யப்பட்ட சீப்பு, சதுரங்கம் மற்றும் பக டைக் காய்கள் போன்றவையும் கீழடியில் கண் டெடுக்கப்பட்டுள்ளன.

தமிழ் வளர்ச்சித்துறை அமைச்சர் மாஃபா பாண்டியராஜன், துறையின் செயலாளர் உதயச் சந்திரன் உள்ளிட்டோர் கலந்துகொண்ட நிகழ்ச்சி யில், ஆய்வு முடிவுகள் கையேடாக வெளியிடப் பட்டது. இதில், சங்க காலம் என்பது முந்தைய கணிப்புகளைவிட மேலும் 400 ஆண்டுகள் பழைமையானதாக இருக்க வாய்ப்பிருப்பதாகக் கூறப்பட்டது.

கீழடி அகழாய்வு முடிவுகள்

கருதுகோளாக இதுவரை எழுதப்பட்டு வந்த இந்திய வரலாற்றை, கீழடி திருத்தி எழுதும் என்கிறார்கள் ஆய்வாளர்கள்.

இந்த ஆய்வுகளுக்குத் தூண்டுகோலாக இருந்த, இந்திய நாடாளுமன்ற உறுப்பினர் சு.வெங்கடேசன்.  மதுரை ஆட்சியர் அலுவலக வளாகத்தில் செய்தியாளர்களைச் சந்தித்தார், அப்போது  கீழடியின் நான்காம் கட்ட ஆய்வு முடிவுகள் வெளியாகியிருப்பது குறித்து பேசுகை யில், "பத்து நாட்களாக நாங்கள் விடுத்த தொடர் கோரிக்கையை அடுத்து, கீழடியின் நான்காம் கட்ட அகழ்வாய்வு முடிவுகளைத் தமிழகத் தொல்லியல்துறை இப்போது வெளியிட்டுள்ளதில் மகிழ்ச்சி.

கீழடியில், அமர்நாத் மேற்கொண்ட ஆய் வின்போது 6 மீட்டர் ஆழக்குழி அமைத்து அதில் 3ஆவது மீட்டர் ஆழத்தில் கிடைத்த மாதிரிகள் கி.மு. 290 காலத்தினதாக அமைந்தன. தற்போது, எதிர்பார்த்ததைவிட மேலாக கி.மு 6ஆம் நூற் றாண்டுப் பதிவுகளின் சான்றுகளாக இந்த முடி வுகள் கிடைத்திருக்கின்றன. இந்த முடிவுகள், இந்திய வரலாற்றுக்கே வெளிச்சம் பாய்ச்சுவதாக அமைந்துள்ளன. அகழ்வில் இன்னும் ஆழம் சென்றால், இதற்கும் முந்தைய காலத்தின் சான்றுகள் கிடைக்கும்.

கீழடி ஆய்வு தொடங்கிய அதே ஆண்டில் தொடங்கப்பட்டது, பாட் நகர் அகழாய்வு. அங்கே உணரும் அருங்காட்சியகம் அமைக்க இந்திய அரசு ஒப்பந்தப்புள்ளி கோரியிருக்கிறது. உத்தரப் பிரதேசத்தின் சனோலி பகுதியில் பழங்காலத் தேர் கண்டறியப்பட்டுள்ளது. அந்தப் பகுதி, பாதுகாக்கப்பட்ட இடமாக அறிவிக் கப்பட்டிருக்கிறது. இந்தப் பணிகளுக்காக 6,000 கோடி ரூபாயை இந்திய அரசு ஒதுக்கியுள்ளது. ஆனால், அதில் கீழடி இடம்பெறவில்லை.

பாட் நகர், சனோலி ஆய்வுகள், எற்பாடுகள் எல்லாமே பாராட்டுக்குரியவைதான். அதே சமயம், கீழடியையும் பாதுகாக்கப்பட்ட பகுதி யாக அறிவிக்க வேண்டும். ஆய்வுக்கும் அருங் காட்சியகம் அமைப்பதற்கும் நிதி ஒதுக்கி அடுத்தகட்ட அகழாய்வை இந்திய அரசு நடத்த வேண்டும்.

முதல் இரண்டாண்டுகள் அமர்நாத் மேற் கொண்ட ஆய்வறிக்கை, இடைக்கால அறிக்கை யாகக் கொள்ளப்பட்டது. மூன்றாம் ஆண்டில் நியமிக்கப்பட்ட சிறீதர், அகழாய்வு செய்த இடத்திலிருந்து கட்டுமானத் தொடர்ச்சி எதுவும் கிடைக்கவில்லை என்று தனது ஆய்வறிக் கையைச் சமர்ப்பித்தார். இதை முன்வைத்து, ஆய்வை முடித்து கீழடியைக் கைவிட்டது இந்திய அரசு; இது, அரசின் காழ்ப்புணர்வையே காட்டுகிறது. தொடர்ந்து தமிழகத் தொல்லியல் துறையும் இந்தியத் தொல்லியல்துறையும் இந்த ஆய்வுப் பணியைத் தொடர வேண்டும்” என்றார்.

திராவிட நாகரிகம்

கீழடி குறித்த தகவல்கள் வெளிவந்த பிறகு அது தமிழர் நாகரிகம் என்று கூறிக்கொண்டே அதை பாரத நாகரிகம் என்ற அடையாளம் சூட்ட துவங்கிவிட்டனர். தமிழ் வளர்ச்சித்துறை அமைச்சர் மாஃபா பாண்டியராஜன் கூட ஆர்.எஸ்.எஸ் அமைப்பிற்கு சுதி ஏற்றும் வகையில் இது பாரத நாகரிகம் என்று புதிய பெயர் சூட்டி அழைத்தார்.

பிரின்ஸ் வேல்ஸ் அருங்காட்சியத்தில் ஆங்கிலேயர்களால் கொண்டு வரப்பட்ட மொகஞ்சாதாரோ மற்றும் ஹரப்பா தொடர்பான அகழ்வாராய்ச்சி பொருட்கள் வைக்கப்பட்டிருந் தன. இப்பொருட்களைக் கொண்டு அங்கு வாழ்ந்த மனித நாகரிகம் குறித்து மாதிரி ஒன்று அமைக்கப்பட்டது, அந்த இடத்திற்கு 1960 முதல் 1962-ஆம் ஆண்டுவரை முதல்வராக இருந்த யஸ்வந்தராவ் சவான் காலகட்டத்தில் திராவிட நாகரிகம் (dravidian civilization) என்று பெயர்  சூட்டப்பட்டது,  அன்றிலிருந்து 1995-ஆம் ஆண்டு சிவசேனா கட்சி மகாராட்டிரா மாநில அரசைக் கைப்பற்றும் வரை நீடித்தது, 1995-ஆம் ஆண்டு சிவசேனா மகாராட்டிரா சட்டமன்ற தேர்தலில் வெற்றி பெற்று மனோகர் ஜோஷி தலைமையில் ஆட்சிப்பொறுப்பில் ஏறிய உடன் 1996-ஆம் ஆண்டு பம்பாய் நகரம் மும்பாயாக மாறியது. இதுமட்டும் தான் உலகிற்குத் தெரியும் வேல்ஸ் மியூசியம் சத்திரபதி சிவாஜி மியூசியமாக மாற்றப்பட்டது, அதுமட்டுமல்ல நுழைவாயிலில் இருந்த சிந்துவெளி மாதிரியில் இருந்த திராவிட நாகரிகம் (dravidian civilization)  என்பதை அகற்றி விட்டு பெயர் தெரியாத நாகரீகம் (unknown civilization) என்று மாற்றிவிட் டார்கள். இன்றுவரை அது அப்படியே தொடர்கிறது,

யூப்ரடீஸ் டைகரீஸ் நாகரிகத்தை சுமேரிய நாகரிகம், நைல் நதிக்கரை நாகரிகத்தை எகிப்த் திய நாகரிகம், என்று பெயர் இட்டு அழைத்த வரலாற்று அறிஞர்கள் சிந்துவெளி நாகரிகத்தை திராவிட நாகரிகம் என்று அழைத்தனர். ஆனால் அது முற்றிலும் மாற்றப்பட்டு தற்போது அடையாளம் இழந்து அடையாளம் தெரியாத நாகரிகம் என்று ஆகிவிட்டது,

ஆனால் அது அடையாளம் தெரியாத நாகரிகம் அல்ல, அது திராவிடர் நாகரிகம் என்று கீழடி மீண்டும் உறுதிசெய்துவிட்டது, அது மட்டுல்ல நதிக்கரை நாகரிகத்தின் வேர்கள் தாமிரபரணி, வைகை போன்ற நதிக்கரையில் இருந்து துவங்கி இருக்கவேண்டும் என்பதை இன்று ஆய்வுகள் தொடர்ந்து உறுதி செய் து வருகின்றன.

- விடுதலை ஞாயிறுமலர், 5 .10 .19

குருமூர்த்தி அய்யர் திராவிடரா - சூத்திரரா?

சென்னை, அக்.8  "துக்ளக்" ஆசிரியர் திரு வாளர்  குருமூர்த்தி அய்யர்வாள் திராவிடர்கள் என்பதற்கு விளக்கம் ஒன்றை எழுதியுள்ளார்  "துக்ளக்" ஏட்டில் -  (9.10.2019 - பக்கம் 9, தனியே பெட்டிச் செய்தியாக காணலாம்)

திராவிடர்கள்

யார் திராவிடன்? என்று சா. சொக்கலிங்க ஆதித்தன், ரோஸ்மியாபுரத்திலிருந்து கேட்டுள் ளார்.

கி.மு. 6-ஆம் நூற்றாண்டில் வாழ்ந்த ஆதிசங் கரரை, கி.பி. 8-ஆம் நூற்றாண்டில் சிதம்பரத்தில் பிறந்த அபிநவ சங்கரர் 'திராவிட சிசு' (திராவிடத்தின் குழந்தை ) என்று அழைத்தார். கி.மு. 6-ஆம் நூற்றாண்டில் வாழ்ந்த ஆதி சங்கரர் திராவிட சிசு என்றால், ஆதிசங்கரர் உள்பட திராவிட தேசத்தில் பிறந்த அனைவரும் திராவிடர்கள்தான். ஆரியர் கள் என்று எந்த பிராமணர்களை கழகங்கள் அழைக்கின்றனவோ, அவர்களே திராவிட பிராமணர்கள் என்றும், கௌட பிராம ணர்கள் என்றும் பிரிக்கப்படுகிறார்கள். விந்திய மலைக்கு வடக்கே இருப்பவர்களைக் கௌட பிராமணர்கள் என்றும், அதற்கு தெற்கே இருப் பவர்களை திராவிட பிராமணர்கள் என்றும் அழைக் கிறார்கள்.

திராவிட தேசத்தில் இருக்கும் பிராமணர்களை ஐந்தாகப் பிரித்து, பஞ்ச திராவிடர்கள் என்று அழைக்கிறார்கள். கௌட தேசத்தில் இருக்கும் ஐந்து வகையான பிராமணர்களை பஞ்ச கௌட பிராம ணர்கள் என்று அழைக்கிறார்கள். தமிழ், கன்னட, தெலுங்கு, கேரள, மகாராஷ்டிர, குஜராத், மார்வாரி, குஜராத்தி பிராமணர்களை, பஞ்ச திராவிடர்கள் என்றும், கௌடா, கன்யக்புஜா, மைதிலி, சரஸ்வதி, உத்கல முதலான ஐந்து வகையான பிராமணர் களை பஞ்ச கௌடர்கள் என்றும் அழைக்கிறார்கள். இந்த விவரங்கள் ஸ்கந்தபுராணத்தில் இருக்கின்றன.

சம்ஸ்க்ருதப் புலவரான கல்கணன் எழுதிய ராஜதரங்கிணி என்கிற காஷ்மீர் மற்றும் மேற்கிந்திய ராஜ வம்சங்களைப் பற்றிய சரித்திர புத்தகத்திலும் இது இருக்கிறது. கௌடம், திராவிடம் என்று பாரத தேசம் இரண்டு பகுதிகளாக இருந்தது. வெள்ளைக் காரர்கள் அதை இனப் பிரிவாக மாற்றினார்கள் என்பது பலருடைய கருத்து. திராவிடன்என்றால் விந்திய மலைக்குத் தெற்கே இருப்பவன் என்பதுதான் சரி என்று தோன்றுகிறது.

துக்ளக் - 9.10.2019

"துக்ளக்" அய்யர் எடுத்துக் காட்டுவதெல்லாம் வரலாற்று ஆதாரங்களையல்ல - புராணங்களைத் தான் - புராணங்கள் வரலாறாகாது என்பது கடுகத் தனைப் புத்தி உள்ளவர்களுக்கும் தெரிந்தது ஒன்று.

சரி... அவர் கூற்றுப்படியே பார்த்தாலும் பிராம ணர்கள் - திராவிடர்கள் என்பது உண்மையென்றால் பார்ப்பனர்கள் தங்களைத் திராவிடர்கள் என்று அழைத்துக் கொள்ள தயங்குவது ஏன்? திராவிடர் களைப் பற்றி திராவிடர் கழகம் எடுத்துக் கூறினால் 'கள்' குடித்த மந்திகள் போல உறுமுவது ஏன்?

விந்திய மலைக்குத் தெற்கே இருப்பவன் திராவிடன் என்று கூறி முடிக்கிறார் கட்டுரையில்.

குருமூர்த்தி அய்யர் ஒரு சரியான முட்டுச் சந்தில் வந்து நின்று விட்டார். இப்பொழுது இவர் எழுதிய இந்தக் கருத்து - அவரை விடாமல் துரத்திக் கொண்டேதான் இருக்கப் போகிறது. பார்ப் பனர்கள் ஆரியர்கள் அல்லவாம் திராவிடர்கள் தானாம்.

ஆர்.எஸ்.எஸின் குருநாதரான கோல்வால்கரி லிருந்து மறைந்த காஞ்சி சங்கராச்சாரியார், சந்திரசேகேந்திர சரஸ்வதி உட்பட (தெய்வத்தின் குரல், முதல் பாகம், பக்கம் 267) ஆரியர்  திராவிடர் என்பது கற்பனை, வெள்ளைக்காரனால் கற்பிக்கப் பட்டது. பிரித்தாளும் சூழ்ச்சிக்காக அவ்வாறு கற்பிக்கப்பட்டது என்று சொன்னதெல்லாம் என்னவாயிற்று? கோல்வால்கரால் எழுதப்பட்ட ஆர்.எஸ்.எஸின் வேதநூல் என்று கூறப்படும்  BUNCH OF THOUGHTS என்ன கூறுகிறது?

"நம்முடைய மக்களின் மூலாதாரம் எது என்பது சரித்திர மேதைகளுக்கே தெரியாது. நாம் தொடக்கம் இல்லாத அநாதிகள். பெயர் இல்லாமல் வாழ்ந்திருக்கிறோம். நாம் நல்லவர்கள்; அறிவுத் திறன் கொண்டவர்கள். ஆன்மாவின் விதிகளை யெல்லாம் அறிந்தவர்கள் நாம் மட்டுமே! அப்பொழுது நம்மைத் தவிர மற்றவர்கள் எல்லாம் இரண்டு கால் பிராணிகள், அறிவற்ற மாக்களாக வாழ்ந்து வந்தனர். எனவே, தனிமைப்படுத்தி நமக்குப் பெயர் எதையும் சூட்டிக் கொள்ளவில்லை. சில நேரங்களில் நமது மக்களை மற்றவரிடமிருந்து பிரித்துக் காட்ட நாம் ஆரியர்கள் - அதாவது அறிவுத்திறன் மிக்கவர்கள் என்று அழைக்கப் பட்டோம். நம்மைத் தவிர மற்றவர்கள் எல்லாம் மிலேச்சர்கள்" என்கிறார் ஆர்.எஸ்.எஸின் குருநாதர்.

ஆர்.எஸ்.எஸின் குருநாதர் ஆரியர்கள் என்று இங்கு கூறுகிறாரே - அது எப்படி? கோல்வால்கரும் ஒருக்கால் வெள்ளைக்காரர்தானா? அல்லது கலப்பா?

அந்தந்த சந்தர்ப்பத்தில் வசதிக்கேற்ப எதை யாவது புளுகி தப்பித்துக் கொள்வது. அல்லது மேலாதிக்கம் செலுத்துவது என்ற சூதாட்டம்தான் இந்த ஆரியப் பார்ப்பனர்களின் அடிமட்ட புத்தியாகும்.

வெள்ளைக்காரர்களால் கற்பிக்கப்பட்டதுதான் ஆரியர் திராவிடர் என்றால் வரலாற்று ஆசிரி யர்கள் என்று கூறப்படும் சி.எஸ்.சீனிவாசாச்சாரி, எம்.எஸ்.இராமசாமி அய்யங்கார்கள் எல்லாம் வெள்ளைக்காரர்கள் ஆகிவிடுவார்களே!

"ஆரியர்களால் தோற்கடிக்கப்பட்ட எதிரி களாகிய திராவிடர்களைத் தங்களுடைய புத்தகங் களில் திராவிடர்கள் - தஸ்யூக்கள் என்றும் - தானவர்கள் என்றும், ராட்சதர்கள் என்றும் குறிப்பிட்டு இருக்கின்றார்கள்."

"இது ஆரியர்கள் திராவிடர் மீது கொண்டிருந்த வெறுப்பைக் காட்டுகின்றது - ஏனென்றால் ஆரி யர்கள் திராவிட நாட்டில் சிறுகச் சிறுக நுழைந்து ஆதிக்கம் செலுத்துவதில் அடைந்த கஷ்டத்தினால் இப்படி எழுதினார்கள்." என்று எழுதியவர்கள் தான் இவர்கள் (இந்திய சரித்திரம் - பக்கங்கள் 16, 17)

சி.எஸ்.சீனிவாசாச்சாரியாரையும், இராமசாமி அய்யங் காரையும் வெள்ளைக்காரர்களின் கைக் கூலிகள் என்று சொல்லப் போகிறார்களா?

ஆரியர் -  திராவிடர் கட்டுக்கதை என்றால் சிந்துச் சமவெளி நாகரிகம்,திராவிட நாகரிகம் என்று சொன்னது வெள்ளைக்கார அரசாங்கமா?

வாஜ்பேயி பிரதமராக இருந்த காலக்கட்டத்தில் அன்றைய மனித வள மேம்பாட்டுத்துறை அமைச் சர் முரளி மனோகர் ஜோஷி அரங்கேற்றியது என்ன?

சிந்துச் சமவெளியில் கிடந்த தடயமான காளையை கிராபிக்ஸ் மூலம் குதிரையாக ஆக்கிக் காட்டிய பித்தலாட்டத்தின் உட்பொருள் என்ன?

ஆரியர்களாவது, திராவிடர்களாவது என்று இப்பொழுது குறுக்குச்சால் ஓட்டும் கூட்டம் பதில் சொல்லட்டும். ஆரியர்களும், திராவிடர்கள் என்றால், சிந்துச் சமவெளி திராவிட நாகரிகத்தை ஆரிய நாகரிகம் என்று உருமாற்றிக் காட்ட உச்சிக்குடுமியை ஒரு தட்டு தட்டி விட்டு குறுக்கு வழியில் காளையை இருட்டடித்து குதிரை மீது சவாரி செய்ய ஆசைப்படுவது ஏன்? ஏன்?

இன்னொரு முக்கியத் தகவலும் உண்டு - குருமூர்த்தி அய்யர்வாள் 2000 ஆண்டிலும் வாழ்ந்தவர்தானே.

டாக்டர் வி.அய்.சுப்பிரமணியம் அவர்களை தெரியாதவர்கள் யாரும் இருக்க முடியாது. தஞ்சைத் தமிழ்ப் பல்கலைக் கழகத்தின் முதல் துணைவேந்தரும் அவரே, குப்பம் திராவிடப் பல்கலைக்கழகத்தின் சூத்திரதாரியும் கூட.

மத்தியில் மனிதவள மேம்பாட்டு அமைச்சராக இருந்த டாக்டர் முரளி மனோகர் ஜோஷியைச் சந்தித்த டாக்டர் வி.அய்.சுப்பிரமணியம் அவர்கள் "திராவிடர் என்சைக்ளோப்பீடியா" என்ற நூலை அன்பளிப்பாக வழங்கினார். அந்நூலை பெற்றுக் கொண்ட மனிதவள மேம்பாட்டுத் துறை அமைச்சர் முரளி மனோகர் ஜோஷி திருவாய் மலர்ந்து கொட்டியது என்ன? "திரவிடியன் என்ற சொல்லை நீக்கிவிடலாம் அன்றோ"  என்பதுதான் - அந்த ஆரியவாளின் ஆர்வம் கொப்பளிக்கும் வார்த்தை! நூலைக் கொடுத்தவர் சாதாரண மானவர் அல்லவே.

திராவிட மொழி ஆய்வின் திராவிடப் பெருங் கடலாயிற்றே, குப்பத்தில் அதற்கான பல்கலைக் கழகம் உருவாக்கப்பட உந்து சக்தியாக விளங் கியவர் ஆயிற்றே. திருவனந்தபுரத்தில் உலகளா விய திராவிட மொழியியற் பள்ளி  (INTERNATIONAL SCHOOL  OF  DRAVIDIAN LINGUISTICS) யின் மூலவித்து போன்றவர் டாக்டர் வி.அய். சுப்பிரமணியம்.

பதட்டப்படவில்லை - பளிச்சென்று பதிலடி கொடுத்தார் பக்குவமாக.

"அப்படியா? - இந்திய நாட்டின் நாட்டுப் பண்ணிலிருந்து "திராவிடம்" என்ற சொல்லை நீக்கி விடுங்கள், நானும் திராவிடக் களஞ்சியம் என்பதிலிருந்து திராவிடம் என்ற பெயரை நீக்கி விடுகிறேன்" என்று சொன்னாரே பார்க்கலாம், சுருங்கி விட்டதே முரளி மனோகரின் முகம். (ஆதாரம் - DLA NEWS - மார்ச்சு 2003)

இதற்கு மேலும் குருமூர்த்தி வகையறாக்கள் ஆரியர் திராவிடர் பற்றி சொல்ல என்ன பரப்புரையை வைத்துள்ளனராம்?

பாரத தேசம் இரண்டு பகுதிகளாக இருந்தது. வெள்ளைக் காரர்கள் அதை இனப்பிரிவாக மாற்றினார்கள் என்பது பலருடைய கருத்தாம் - பம் முகிறார் பார்ப்பனருக்கான செய்தித் தொடர்பாள ராக தம்மை முன்னிறுத்திக் கொண்டிருக்கும் திருவாளர் குருமூர்த்தி அய்யர்வாள்.

இவர்களுடைய வேதங்களின் மனுதர்மத்தில் கூட ஆரியர், திராவிடர் என்ற வார்த்தைகள் காணப்படுகின்றனவே.

யஜூர்வேதம் (6, 22) என்ன சொல்லுகிறது?

"ஓ இந்திரனே! உயிர் வாழ்க்கைக்கு இன்றி யமை யாதவைகளான பிராண வாயு, ஜலம், அன்னம், முதலியவைகளை ஆரியர்களாகிய எங்களுக்கு அமிர்தமாகவும், எங்களை யார் பகைக்கிறார்களோ, அந்த அனாரியர்களுக்கு விஷமாகவும் ஆக்கிவிடும்" என்கிறதே யஜூர்.

ஆகா,  வேதங்களின் விரிந்த மனப்பான்மைக்கு வேறு என்ன  எடுத்துக்காட்டுதான் தேவை? - அது இருந்து தொலையட்டும் இந்த சுலோகத்தில் இடம் பெறும் "ஆரியர்" என்பது வேதகாலத்திலேயே வெள்ளைக்காரனால் இடைச் செருகல்  செய்யப் பட்டது என்று செப்புவார்களோ!

"பிராமணனிடத்தில் வணங்காமையாலும், உபநயநம் முதலிய கர்மலோகத்தினாலும் மேற் சொல்லும் க்ஷத்திரிய ஜாதிகள் இவ்வுலகத்தில் வரவர சூத்திரத் தன்மையை யடைந்தவர்கள்" (மனுதர்மம், அத்தியாயம் 10, சுலோகம் 43)

பௌண்டரம், ஔண்டரம், திராவிடம், காம் போசம், யவநம் சகம், பாரதம், பால்ஹீசம், சீநம், கிராதம், தரதம், கசம் இந்தத் தேசங்களை யாண்டவர்கள் அனைவரும் மேற்சொன்னப்படி சூத்திரர்களாகி விட்டார்கள். (மனுதர்மம், அத்தி யாயம் 10, சுலோகம் 44)

மனுதர்மத்தில் காட்டப்படும் திராவிடம், பிராமணர்கள் என்பதெல்லாம் வெள்ளைக் காரனின் விஷம வேலை என்று இந்தப் பார்ப்பன வெள்ளைக்காரர்கள் சொல்லப் போகிறார்களா?

வேதங்களில் சாத்திரங்களில் சொல்லப்படும் சுலோகங்களில் சொன்னபடிதான் வாழ்ந்து, அதன் தன்மையில் குருமூர்த்திகள் இப்பொழுது பூணூல் தரித்துக் கொண்டு இருக்கிறார்களா?

குருமூர்த்தி மற்றும் தங்களைப் பிராமணர்கள் என்று கூறிக் கொண்டு அதன் அடையாளமாகப் பூணூல் தரித்துக் கொண்டுள்ள - ஆண்டாண்டு தோறும் அதற்கென்று ஒரு நாளை ஒதுக்கி  ஆவணி அவிட்டம் என்று நாமம் சூட்டிக் கொண்டு பூணூலைப் புதுப்பித்துக் கொண்டு இருக்கிறார்களே, இவர்கள் வேதத் தர்மப்படி நடந்து கொண்டுதான் பூணூலைத் தரித்துக் கொண்டுள்ளனரா?

இவர்களுக்கு குருநாதராக லோகக் குரு - மறைந்த சூப்பர் சீனியர் சங்கராச்சாரியார் சந்திர சேகரேந்திர சரஸ்வதி என்ன சொல்லுகிறார்?

"பழைய நாளில் பிராமணன் தான் பிச்சை எடுப்பான், மற்ற ஜாதிக்காரர்கள் நாமாகக் கொடுத்தாலும் வாங்கிக் கொள்ள மாட்டார்கள்."

"பிச்சைக்காரப் பார்ப்பனத் தெரு" என்று கும்பகோணத்தில் ஒரு தெருகூட இருக்கிறது. பிராமண சந்நியாசிகள் அன்று பிச்சை வாங்குவார்கள். பிராம்மணர்கள் உஞ்சி விருத்தி செய்வார்கள். மற்ற ஜாதிக்காரர்கள் பிச்சை வாங்குவதில்லை. ஏதாவது வேலை செய்து விட்டு, அதைக் கூலியாகக் பெற்றுக் கொள்கிறேன் என்பார்கள். இப்பொழுது இவன் செய்கின்ற காரியம் நல்லதோ, கெட்டதோ அதை அப்படியே மற்றவர்களும் செய்ய ஆரம்பித்து விட்டார்கள். (காஞ்சி சங்கராச்சாரியார் உபந்நியாசங்கள், முதற் பகுதி - கலைமகள் - 1957-1958, பக்கம் 28)

கர்மானுஷ்டங்களை அனுசரிக்காத க்ஷத்தி ரியர்கள் சூத்திரகளாகி விட்டனர் என்று கூறும் மனுதர்மப்படி, பிச்சை எடுத்து வாழ வேண்டிய பிராமணர்கள் அதனை கடைப்பிடிக்காமையால் திருவாளர் குருமூர்த்தி அய்யர் உட்பட பூணூல் தரிக்க உரிமை  உடையவர்களா? க்ஷத்திரி யர்கள் சூத்திரர்கள் ஆனது போல, குருமூர்த்தி வகை யறாக்கள் பூணூலை அறுத்து எறிந்து விட்டு "சூத்திரர்கள்" என்று ஒப்புக் கொள்வார்களா?

அ'வாள்'களே வாலைச் சுருட்டிக் கொண்டு கிடப்பதுதான் உத்தமம்!

- விடுதலை நாளேடு, 8.10.19

மதவிழாக்களாக தோற்றமளித்தாலும் உண்மையில் அவை ஆரிய - திராவிடப் போரே!

தீபாவளி, ஓணம் பண்டிகைகள் மத விழாக்களாக தோற்றமளித்தாலும்  உண்மையில்  அவை ஆரிய - திராவிடப் போரே  என்று திராவிடர் கழகத் தலைவர் ஆசிரியர் கி.வீரமணி அவர்கள் விடுத்துள்ள அறிக்கை வருமாறு:

கேரளாவிலும், வெளியே உள்ள கேரள மலையாளி சகோதரர், சகோதரிகளும் கொண்டாடும் ஓணம் என்ற திருவிழாவின் அடிப்படையும், இங்கே தமிழ்நாட்டிலும், இதர பகுதிகளிலும் நம் இன எதிரிகளால் கொண்டாடப்படும் தீபாவளிப் பண்டி கையின் அடிப்படையும் ஒன்றே ஆகும். ஒரு வேறுபாடு உண்டு.

இரண்டும் ஆரிய - திராவிட இனப் போராட்டமேயாகும்.

திராவிடர்களின் உரிமையை, மண்ணை, ஆரியர்கள் எப்படி நயவஞ்சகத்தாலும், சூழ்ச்சியாலும் பறித்தார்கள் - அபகரித்தார்கள் என்ற வரலாற்று உண் மைகள்     புதைந்த கற்பனை மெருகேற்றப் பட்ட கதைகள் அடிப்படையில் சொல்லப் படுகின்றன.

தந்தை பெரியாரும்,

திராவிடர் இயக்கமும்தான்!

1. இரண்யாட்சதன் என்ற ஒரு அசுரன் தேவர்களுக்கு எதிராக அவர்களை அழிக் கும் பணியில் இருந்தமையால், தங்களைக் காப்பாற்ற தேவர்கள் வேண்ட, அவர் வராக (பன்றி) அவதாரம் எடுத்து வந்து, அவன் பூமியைப் பாயாக சுருட்டி கடலுக் குள் ஒளிந்ததை மீட்ட பிறகு - பூமாதேவிக் கும் - இரண்யாட்சதனுக்கும் (அசுரன்) பிறந்த நரகாசுரன் மிகவும் தொல்லை கொடுக்க, அவனை அழிக்க, பெண்ணுரு வில் மோகினி அவதாரம் கொள்ள, அதில் அவன் மயங்கியதால், அவனைக் கொன் றாராம்;  அவன், தன் இறந்த நாளைக் கொண்டாடும்படியாகக் கேட்டதால், தீபவாளி நரகாசுரன் ஒழிந்த நாள் என்பது திராவிடனை - ஆரியன் அழித்த கதைப் பின்னணியே!

தந்தை பெரியாரும், திராவிடர் இயக்க மும்தான் இந்த உண்மையை - வரலாற்றுப் பின்னணியை மக்கள் மத்தியில் இன்றும் கூறி வருகிறது!

இதுபோன்றே மாவலி மன்னனை (அவன் அசுரன்'' - நேர்மையாக கேர ளத்தை ஆண்டு, மக்கள் முழு மகிழ்ச்சியுடன் இருந் தார்கள்) மலையாளத்தில் உள்ள க்ஷத்திரியர்களை பரசுராமர் அவதாரம் எடுத்து கோடரி யால் வெட்டிக் கொன்றார் மகாவிஷ்ணு  (பரசு - என்றால் கோடரி) என்பது ஒரு அவதாரம்.

வாமன அவதார இரகசியம்!

நல்லாட்சி புரிந்த மாவலியை ஒழித்துக்கட்ட தந்திரம் செய்தது ஆரியம். மகா விஷ்ணு வாமன அவ தாரம் எடுத்து (குள்ளப் பார்ப்பான்) மாவலி மன் னனிடம் மூன்றடி மண் கேட்டான். கபடமற்ற மாவலியும் ஏற்றுக் கொண்டான். குள்ளப்  பார்ப்பானாகிய  வாம னன் என்ன செய்தான்? ஓரடியை ஆகாயத்தில் வைத்தான்; இன்னொரு அடியைப் பூமியில் வைத்தான். மூன்றாவது அடியை எங்கு வைப்பது என்று வாமனன் கேட்க, மாவலி தன் தலையில் வைக்குமாறு கூறினான். அவ்வாறு மாவலி தலை யில் காலை வைத்து அழுத்திக் கொன்றான் வாமனன். இதுதான் வாமன அவதார இரகசி யம். மண் முழுவதையும் பறித்துக்கொண்ட - பண் பாட்டுப் படையெடுப்பு அல்லவா இது! உழைத்த திராவிடர்களை - அவர் களின் நிலங்களை எப்படி சூழ்ச்சியால் பறித்த பின்னணியே அந்தக் கதை. மாவலி ஆண்டுக்கு ஒருமுறை மட்டும்தான் தானங்கொடுத்து விட்ட நிலத்தை - மக்களை சந்திக்க மட்டும் அனு மதிக்கப்பட்டான். மாவலி தங்களைச் சந்திக்க வருவதை கேரள மக்கள் மகிழ்ச்சி யோடு கொண்டாடுகிறார்கள் - அதுதான் திருவோணம் என்ற பண்டிகை.

மராத்தியத்தில் ஜோதிபாபூலே அவர் கள் (அக்காலத்தில் மகாத்மா'' என்று அம் மக்களால் அழைக்கப்பட்ட சமூகப் புரட்சி யாளர்) பாலி ராஜா திரும்புதலைப் பெரும் விழாவாகக் கொண்டாட வைத்தார்!

அவரும் பார்ப்பனர் எப்படி சூத்திரர், பஞ்சமர் மண்ணை அபகரித்தனர் - வஞ்சகத்தால் என்பதே அவதாரக் கதைகள்'' என்று தந்தை பெரியார் கூறியதைப் போலவே 150 ஆண்டுகளுக்கு முன்பே சிந்தித்து எழுதியவர்!

ஏ.வி.சக்திதரன் எழுதிய கடவுளின் தேசம் நூல்!

கேரளத்தை - கடவுளின் தேசம்''  (god's own country) என்று அழைத்துக் கொள்வர். அதனை அப்படியே எதிர்த்து, மாற்றி  அது கடவுளின் தேசமா? இல்லை கடவுள் எதிர்ப்பாளர்களின் தேசமும்கூட''  என்று அங்கே நடந்த போராட்டங்கள் - எப்படி பார்ப்பனீயம் - ஆரியம் - வெற்றி பெற்றது என்பதை - பல கதைகளின் வரலாற்றுப் பின்னணியை அம்பலப்படுத்தி - Anti god's own country - a  short  history of Brahminical colonisation of Kerala - by A.V.Sakthidharan -(ஏ.வி.சக்திதரன் இந்துஸ்தான் டைம்ஸ்'' ஏட்டில் 40 ஆண்டு கள் பணியாற்றி ஓய்வு பெற்று இன்று ஆய்வுக் கட்டுரைகளை எழுதுபவர்) என்பவர்  எழுதியுள்ள ஆங்கில நூல் ஏராள மான தகவல்களுடன் வந்துள்ளது!

தந்தை பெரியார் இயக்கம்பற்றியும், நடிகவேள் எம்.ஆர். இராதா இராமாயண நாடகம் நடத்தியது - இரண்யன்', இராவண காவியம்' - புலவர் குழந்தை, இராவணப் பெரியார்''- எம்.எஸ்.பூரணலிங்கம் பிள்ளை எழுதிய நூல்கள் உள்பட பலவற்றையும் இதில் (பக்கம் 87) குறிப்பிடுகின்றார்.

ஆரியம் அபகரித்த கதைகளே!

எனவே, ஆரிய - திராவிடப் போராட் டத்தின் அடிப்படையே இந்த இருவிழாக் களும் - ஆரியம் அபகரித்தக் கதைகளே!

"வாமன ஜெயந்தி!''

ஆர்.எஸ்.எஸ். - பா.ஜ.க. கேரளாவில் கால் பதிக்க  - ஓணத்தைக் கொச்சைப்படுத்தி - சில ஆண்டுகளுக்குமுன் வாமன ஜெயந்தி'' என்று புதிதாக ஏற்பாடு செய்தபோது பெரும் எதிர்ப்பையும் சந்தித்தது. அமித்ஷா, பா.ஜ.க. தலைவரான பிற்பாடு இது திடீரென நுழைக்கப்பட்டது.

எனவே, விழாக்கள் வெளிப்பார்வைக்கு மதவிழாக்களாக தோற்றம் இருப்பினும், உண்மைத் தத்துவத்தில் - வரலாற்றுப் பின்னணியில் அது ஆரிய - திராவிடப் போரே! பார்ப்பனர் எப்படி பார்ப்பனரல் லாத சூத்திர, பஞ்சமர்களை, புத்த நெறியினரை, சமணத்தவர்களை வஞ்சித்தனர் என்பதை இந்நூலைப் படித்துப் புரிந்துகொள்ளலாம். விரைவில் இதன் தமிழ்ப் பதிப்பை முற்போக்கு பதிப்பகத்தி னர் வெளியிடுவர் - இது ஆங்கிலத்தில் நவயானா' வெளியீடாக வந்துள்ளது.

பறிக்கப்பட்ட உரிமைகள் மீட்டெடுக்கப்பட வேண்டும்!

பொங்கலைப் போலவே ஓணம் என்ற ஒரு அறுவடைத் திருவிழா - பொங்கும் மகிழ்ச்சிக்கான விழா என்ற பறிக்கப்பட்ட உரிமைகள்  மீட்டெடுக்கப்படவேண்டும், அது குறித்துத் தெளிவு ஏற்படுத்திக் கொள்ளவேண்டிய தருணமும் இதுவாகும்.

அந்த அடிப்படையில், புதிய கோணத் தில் மாவலியை வரவேற்கும் விழாவாகிய  ஓணத் திருவிழாவிற்கு நாம்  வாழ்த்துக் கூறுகிறோம்.

 

கி.வீரமணி

தலைவர்,

திராவிடர் கழகம்

சென்னை
11.9.2019

-  விடுதலை நாளேடு, 11.9.2019